⁽¹⁾ Велларг - цуьнан да Абу Суфйан вара.

322. Умм IатIыййас (АллахI реза хуьлда цунна) дийцина, АллахIан эчано (АллахIера къинхетам а, маршо а хуьлда цунна) элира аьлла: «Зудчун бакъо яц кхаа буьйсанал сов веллачунна чIир кхаба - нагахь велларг цуьнан майра вацахь, ткъа цунна-м - беа баттаххьий, итт дийнаххьий чIир кхаба еза цо. Оцу ханчохь тIе басар дина духар доха бакъо а яц цуьнан - нагахь иза (тегале хьалха) басар диначу уьйригах дина дацахь. Сурьма хьакха бакъо а яц цуьнан, хаза хьожа йогIург тоха йиш а яц цуьнан. Беттан цIано йохарах цIанъелча, цуьнан бакъо хуьлу – кIеззиг хаза хьожа йогIу га я азфар ⁽²⁾ хьакха» (ал-Бухари: 534I, Муслим: 66/938).

⁽²⁾ Азфар - хаза хьожа йогIу Iаьржачу басахь хIума ю, мIарех тера а йолуш.

323. Умм Салама (АллахI реза хуьлда цунна) дийцина: «Цхьана зудчо, АллахIан элча (АллахIера къинхетам а, маршо а хуьлда цунна) волучу а еана, хаьттира: «ХIай, АллахIан элча! Сан йоьIан майра велла. БIаьргаш лазар леткъа до цо. Сурьма а хьаькхна, басар дан мегар дуй тхуна цуьнан уьш?».  АллахIан элчано (АллахIера къинхетам а, маршо а хуьлда цунна) шозза (я: кхузза) «Дац» аьлла, жоп делира цунна. Цул тIаьхьа элира цо: «Биъ буттий, итт дей даьллачул тIаьхьа а (бен) дан мегаш дац иза». (Цул тIаьхьа элира цо цуьнга:) «Iесачу заманах дерг аьлча, шен майра кхелхича) шух хIора а шо даьлча (уьстагIан боьхалла) луьст кхуьйсуш хуьлура». Зайнаба дийцира: «(Оцу хенахь) зудчуьнан майра велча, и ((зуда) цхьана) мискачу лаппагIина (чу хуура), шена тIехь уггаре а тиша духар а леладора цо. (Иштта оцу хьолехь) шо даллалц (Iара иза). Шех я хаза хьожа йогIург а я муьлхха а цуьнах тера хIума а ца хьакхайолуьйтура цо. Цул тIаьхьа цунна тIе я вир, я уьстагI я (муьлхха а цхьа) олхазар даладора. ХIетахь цо цуьнан дегIана тIехула куьг хьокхура. Цул тIаьхьа оцу гIуллакхехь лелийна долу (дийнат я олхазар, цуьнах йогIу хьожа а ца лалой) дукха хьолехь лара. (Цул тIаьхьа дуьйна зудчо шен и лаппагIа) дIатосура)). ТIаккха цуьнга (уьстагIийн) луьст (я эмкалийн пхьаж) лора, ткъа цо иза дIалестабора. Цул тIаьхьа шена ма-луъу хаза хьожа йогIург лелон паргIат хуьлура иза!» (ал-Бухари: 5336-5337, Муслим: 1488-1489).