НАЖАСАН ДАКЪОШ

Нажасаш кхаа тайпа ю:

1. ЧIогIа нажас.

2. Йайн нажас.

3. Юккъера нажас.

ЧIогIа нажас: Иза - жIалин а, хьакхин а, иштта царех кхоллаеллачу хIуманийн а нажас ю.

Йайн нажас: Иза – шен ненан шура йоцург кхин яъхIума йиъна а доцу, ши шо кхаьчна а доцу беран хьатI ду.

Йуккъе нажас: Йисина ерриг нажасаш кху юкъа йогIу.

НАЖАС ДIАЦIАНДАР

1. ЧIогIа нажас: Ткъа и нажас, нагахь и гуш ялахь, дIаяьккхиначул тIаьхьа, ворхIазза йиттича дIацIанло, царех цхьаъ лаьттаца йитта езаш ю.

2. Йайн нажас: Ткъа и тайпа нажас тIекхетта йолу меттиг дIацIанло, хьаткъа кхеттачу ерриг меттиге а кхочуьйтуш, хи хьакхарца, нажас дIаяьккха а еза.

3. Юккъера нажас: Ткъа иза, шина декъе екъало: хаалуш ерг а, хаалуш йоцург а.

Хаалуш ерг: я бос, я хьожа, я чам гуш-хаалуш ерг ю. Ткъа цу тайпанарчу нажасан бос, хьожа, чам а дIабаккха безаш бу.

Хаалуш йоцург: я бос, я хьожа, я чам гуш-хаалуш йоцург ю. Ткъа и (тайпа нажас) хих яьккхичахьана йолуш ю.