39-ГlА ДАКЪА

 [МАРХИН САХЬ ДАККХАР]

Мархин сахь даккхар важиб хуьле тIедужу кхаа бехкамца: 1- Бусулба хилар. 2- Рамадан беттан тIаьххьарчу дийнахь малх чубузар. 3- Шена а, шен доьзална а (марха достучу) цу дийнахь оьшучул сов кхача хилар. Шен махкарчу кхачанах мархин цхьацца сахь даккха декхар ву стаг шена тIера а,  ша напкха латтон дезаш болчу бусулбанашна тIера а. Сахьан барам Iиракъан пхи геркий, геркан кхоалгIа дакъий бу.