·  Нагахь АллахIа хьайна дуьненан хIума кIеззиг деллехь, хаийла хьуна - хьо АллахIана везнийла а, Цо эхартахь хьайна дала доккха дика кечдинийла а. 

·  Нагахь АллахIа хьуна хьайна доьгIначунна резахилар деллехь, хаийла хьуна - хьо АллахIана везнийла а, Цо хьайна делларг уггаре а хаза ниIмат дуйла а.

·  Нагахь АллахIа хьайна собар деллехь, хаийла хьуна - хьо АллахIана везнийла а, Цо хьо декъалачарех винийла а.

·  Нагахь АллахIа хьайна догцIеналла еллехь, хаийла хьуна - хьо АллахIана везнийла а, Цуьнца йолучу юкъаметтигехь хьо догцIена хила везийла а.

·  Нагахь АллахIа хьайна сингаттам беллехь, хаийла хьуна - хьо АллахIана везнийла а, Цо хьайгара хастам а, шукар а лардойла а.

·  Нагахь АллахIа хьайна гIайгIа еллехь, хаийла хьуна - хьо АллахIана везнийла а, Иза хьо зуьйш вуйла а.

·  Нагахь АллахIа хьайна хьал-бахам беллехь, хаийла хьуна - хьо АллахIана везнийла а, Цо хьайна деллачух цхьадерг мискачарна кховдорехь писвала ца везийла а.

·  Нагахь АллахIа хьайна къоьлла еллехь, хаийла хьуна - хьо АллахIана везнийла а, Цо хьайна бахамал а мехаланиг деллийла а.

·  Нагахь АллахIа хьайна мотт а, дог а деллехь, хаийла хьуна - хьо АллахIана везнийла а, айхьа уьш диканна бен лелон ца дезийла а.

·  Нагахь АллахIа хьайна ламазна тIерахилар а, марха дезар а, КъурIанца Iамал яр а деллехь, хаийла хьуна - хьо АллахIана везнийла а, уьш тесна дита мегар доцийла а, цаьрца Iамал ян езийла а.

·  Нагахь АллахIа хьайна Ислам-дин деллехь, хаийла хьуна - хьо АллахIана везнийла а, хьайн вахар Ислам-динаца нисдан дезийла а.

АллахIана везна-кха хьо - ткъа хьуна муха везар вацара Иза???

АллахIа, доза доцуш, доккха дика делла-кха хьуна - ткъа ахьа муха лур дацара цунна хьайна даггара Иза везар???

Яздина - АллахIана муьтIахьчу, тоба дина АллахIе йирзиначу бусалба йишас 2009-чу шеран май беттан 29-чу дийнахь.

Гочдина - Турпалан кIанта Фарукъа 2010-чу шеран январ беттан 17-чу дийнахь.